Qubadlı rayonunun Dəmirçilər kəndindəki məscid xarici görünüşü ilə Dondarlı məscidini yada salır. Dəmirçilər kəndindəki məscidin interyerində iki sütun qoyulub. Damında isə azan verilməsi üçün “güldəstə” quraşdırılmışdır.

Məscidin interyeri üç tərəfdən qoyulmuş bir cüt pəncərələrlə yaxşı işıqlandırılır. Məsciddə tavan günbəzlə örtülüb, dam örtüyü yamaclı şəkildə tamamlanmışdır.

 XVIII və XIX yüzilliyin yadigarı olan Dəmirçilər məscidi də digər məscidlər kimi erməni vandalizminin qurbanı olmuşdur.