Abidənin inventar №-si: 5159

Şuşanın mərkəzində inşa edilən Şuşa taciri Məşədi İbişin evi küçə tərəfdən kürsülü birmərtəbəli görünsə də, həyət tərəfdən iki mərtəbəlidir. Şuşaya xas olan ənənəvi memarlıq üslubunda tikilən binanın baş fasadındakı pəncərələr iki tərəfi yonulmuş guşə daşları ilə işlənmiş, giriş qapısı isə sadə en kəsiyi olan haşiyə ilə tamamlanmışdır. Birinci mərtəbə çöl həyətdən görünən şüşəbəndli eyvanla tamamlanmışdır.