Şuşa
Yaşayış evi
| Abidənin tarixi: | XIX əsr |
| Abidənin əhəmiyyət dərəcəsi: | Yerli əhəmiyyətli |
Abidənin inventar №-si: 5168
Təzə məhəllənin mərkəzi hissəsində, iki küçənin kəsişməsində inşa edilən bina üç həcmdən ibarət olmaqla mürəkkəb plan quruluşuna malikdir. Nisbətən hamar relyefdə inşa edilən binanın pəncərələri yonulmuş guşə daşları ilə haşiyələnmiş, atmaları isə yarımdairə şəklində həll edilmişdir. Həyət tərəfdəki pəncərələrin yanları girintili düzbucaqlı sadə formada həll edilmişdir. Yanlardakı hissələrin arası ikinci mərtəbədə şüşəbəndlə işlənmiş, birinci mərtəbə isə sütunlu olaraq metal məhəccərlə həll olunmuşdur.
